Ponse á venta unha antiga casa de labranza rehabilitada na comarca do Deza. Perfectamente restaurada adecuándose ás necesidades domésticas actuais. Atópase en pleno campo e, sen embargo, a una distancia razoable do centro da cidade. Vostede poder moverse a pé; o Centro de saúde atópase a poucos metros, ou a estación de autobuses, todo a un paso sen ter que coller o coche.
A casa conta cunha planta baixa e unha altura. E ademais, cunha agradable finca ó redor na que pasar as horas familiares no exterior, cos nenos correndo ou cos avós. Tratouse de restaurar conservando a súa esencia (a tradicional lareira, o curro, a horta, os frutais, etc. ) pero sen prescindir das comodidades dunha edificación do século XXI: calefacción e auga sanitaria central, etc. Poden apreciarse na galería fotográfica os detalles que nos recordan aquel fogar añorado dos nosos maiores: as manillas das portas, os interruptores, a ausencia de luces cenitais.. .
Conta cunha cociña moderna, un comedor, dúas salas de estar, cinco dormitorios, tres baños completos e un aseo. Unha pequena bodega e un amplo curro con acceso directo desde a cociña o fai ideal para as celebracións de reunións e comidas familiares ou de amigos.
Ó abrir as ventás cada mañá terá a sensación de vivir en plena natureza e de poder inspirar todo o aire limpo do noso soleado campo.
No exterior conservouse o hórreo con catro claros, a mina de auga que abastece ó pilón, a horta (con instalación de rego automático), o cenador para as noites de verán, a palleira e unha ampla zona de aparcamento. Os servicios como o garaxe, o tendal da roupa, o depósito da calefacción procuraron, disimuladamente, integrarse. Unha vella granxa pode reconverterse nunha agradable area de piscina. Noces, ameixas, claudias, mazás, peras, moras, framboesas, grosellas, castañas e tamén camelias, azaleas, herba luisa, rosas, lavandas e ortensias conforman un aromático e plácido xardín para desfrutar en familia durante todo o ano.
Habilitariase con facilidade para un negocio de restauracion ou outros.
Non deixe pasar a oportunidade de solicitar unha visita personal.