ATENCIÓN!
Poñemos á venta esta fermosa casa de pedra no lugar de Santaballa, no concello de Vilalba.
Trátase dunha magnífica vivenda rural datada de 1900 e rehabilitada durante o ano 1980.
Unha casa con encanto, de tres alturas, construída con materiais tradicionais, pedra, lousa e madeiras nobres que fan que se trata dunha vivenda acomodada e magnífica.
Unha casa feita ó detalle, durante a súa construción dedicóuselle mimo, esforzo e cariño, como se aprecia nos detalles. Hoxe ponse á venta para que non caia no esquecemento, e sexa desfrutada por unha nova familia.
Unha casa moi persoal, con un estilo definido, e rodeada de natureza. Ubícase nunha finca rústica de 2 hectáreas de terreo, todo un luxo, unha gozada, un desfrute natural constante durante as catro estacións do ano.
En canto á casa, moito que dicir. Consta de 306 metros cadrados construídos, divididos en tres alturas.
Na planta baixa, organízase a distribución do espazo do seguinte xeito:
Á entrada, un amplo salón, que fai que sexa a estancia máis recorrida da casa, a estancia máis familiar e a máis desfrutada. Trátase da zona de paso para chegar as outras habitacións da vivenda.
O salón conta cunha cheminea central, situada nunha zona de estar, ideal para os días fríos e grises de inverno.
Dende o salón, accedemos á cociña, unha estancia deseñada de forma exclusiva para esta vivenda. Trátase dunha inspiración catalana, con azulexos laranxas que locen coma o primeiro día. Trátase dunha cociña moi ampla, con zona de comedor. Conta con todo luxo de detalles. Tamén anexa á cociña, está a zona de despensa, lavandería e almacenaxe.
Dende a cociña podemos saír a comer, merendar a unha zona de xardín, ideal para os días de descanso no verán.
Dende ese salón principal, accedemos a toda a casa. A unha saliña de estar, pequena pero moi acolledora, con vistas ó xardín, a un baño/aseo e a zonas de dormitorios.
Na planta baixa, encontramos dous dormitorios amplos e un baño completo. Nas plantas superiores da vivenda encóntranse máis alcobas e baños.
Debes saber que...
A casa conta con calefacción e auga quente con caldeira de gasóleo.
A vivenda ten pozo e traída veciñal.
O inmoble ten ventás e fiestras de madeira. Tamén de aluminio nalgunhas estancias.
A casa conta con 3 chemineas de leña. No salón, nun dos dormitorio e no baixo cuberta.
O terreo conta con árbores autóctonas, flores e unha zona de ocio e descanso.
A finca é ideal para ter cabalos e bestas, ou calquera tipo de animal doméstico, xa que está toda ela cerrada.
Dende a finca, accedemos á vía principal da aldea. E dende alí visitamos Vilalba ou comunicámonos coa capital ou coa zona da costa. Tamén podemos pasear polo arredor da finca, dando agradables paseos polos camiños de Santaballa.
Se buscas algo distinto, tranquilidade, unha vida familiar e cómoda, esta casa pode aportarche todo isto e moito máis.
Contacta con nós e ensinámosche unha das nosas XOIAS máis apreciadas!
